ՏԻՐԱՄԱՅՐ ԱՐՀԵՍՏԻ ԴՊՐՈՑ
Տիրամայր Արհեստի Դպրոցը մասնաւոր նախնական մասնագիտական լիցենզաւորուած կրթական հաստատութիւն է հիմնական եւ միջնակարգ կրթութիւն ունեցող երիտասարդների, ինչպէս նաեւ բուհական կրթութիւն ունեցող անհատների համար: Դպրոցում ուսուցանւում են տարբեր որակաւորում շնորհող ուսումնական ծրագրեր, որոնք նախատեսուած են աշխատաշուկայի ներկայիս պահանջները բաւարարելու համար: Դպրոցը կահաւորուած է ժամանակակից լսարաններով ու սարքաւորումներով յագեցած արհեստանոցներով:Բացի մասնագիտական տեսական եւ գործնական առարկաներից, ուսուցումը լրացւում է նաեւ Գիւմրիում եւ Գիւմրիից դուրս հեղիանակաւոր եւ փորձառու առեւտրային եւ ոչ առեւտրային կազմակերպութիւններում արտադրական պրակտիկայի մասնակցութեամբ, հայերէնի, ռուսերէնի, ֆրանսերէնի, անգլերէնի եւ այլ անհրաժեշտ առարկաների դասաժամերով:
Դպրոցը հոգ է տանում նաեւ բարձր առաջադիմութիւն, օրինակելի վարք եւ աշխատաշուկայի իրական պահանջներին համապատասխանող ուսանողներին աշխատանքի տեղաւորման հարցում:
Դպրոցն առաջարկում է “Հասարակական սնունդ”, “Բարմեն/Մատուցող”, “Հիւրանոցի ընդունարանի ղեկավար”, “Էլեկտրա-մոնտաժող” եւ “Փականագործ- սանտեխնիկ” բաժինների երկարաժամկետ եւ կարճաժամկետ ուսումնական ծրագրեր:
Ընդունելութեան կարգին աւելի մանրամասն տեղեկանալու համար` կարող եք այցելել ԱՅՍՏԵՂ:
Ուսանողի կանոնակարգին ծանոթանալու համար՝ սեղմէք ԱՅՍՏԵՂ:
Ամեն տարի Դպրոցի ուսանողները մասնակցում են Հայաստանում Ֆրանսիայի Հանրապետութեան դեսպանատանը կազմակերպուած “Ֆրանսական Ճաշակ” միջոցառմանը: Խոհարարական բաժնի մասնագէտներից մեկը մասնակցեց “Արժանին մատուցել ֆրանսական խոհարարական արուեստին” մրցոյթին՝ արժանանալով պատուաւոր մրցանակի:
Դպրոցի օրակարգի անբաժան մասն է կազմում ուսումնակիրառական ճաշարանը, որին հիւրընկալուում են բարերարներ, օտարերկրեայ զբօսաշրջիկներ, տարբեր կազմակերպութիւնների ներկայացուցիչներ:
Ուսումնական գործունէութեանը զուգընթաց Արհեստի Դպրոցի “Բենիամին եւ Եւա Էքմէքճեան” դահլիճում կազմակերպուում են բազմաթիւ միջոցառումներ, որոնց շարքում ուշադրութեան արժանի են Ռուսաստանի Օսիպովի անուան ժողովրդական գործիքների ազգային ակադեմիական նուագախմբի համերգը, հայ մեծանուն երգահաններ Տիգրան Մանսուրեանին եւ Ռոպէրթ Ամիրխանեանին նուիրուծ հոբելեանական միջոցառումները, ուսանողների ջանքերով կազմակերպուած “Հոգու ճիչը” խորագիրը կրող միջոցառումը:
Որպէս աւանդոյթ՝ մեծ հանդիսաւորութեամբ կազմակերպուում են Սուրբ Ծննդի եւ Ամանորի միջոցառումները, որտեղ իրենց անմիջական մասնակցութիւնն են ունենում Դպրոցի ուսանողները:
